மத்திய கிழக்குப் பிராந்தியத்துடன் சம்பந்தப்பட்ட அனைத்து இருதரப்பு அரசியல், பொருளாதார விடயங்கள் மற்றும் பல்தரப்புப் பிரச்சினைகளை மத்திய கிழக்குப் பிரிவு உள்ளடக்கி, ஒருங்கிணைக்கிறது.

14 மத்திய கிழக்கு நாடுகளுடன் இலங்கை முறையான இராஜதந்திர உறவுகளை ஸ்தாபித்துள்ளது. (பஹ்ரைன் இராச்சியம், ஈரான் இஸ்லாமியக் குடியரசு, ஈராக் குடியரசு, இஸ்ரேல், ஜோர்தான் ஹாஷமைட் இராச்சியம், குவைத், லெபனான் குடியரசு, ஓமான் சுல்தானகம், பாலஸ்தீனம், கட்டார், சவுதி அரேபியா, சிரிய அரபுக் குடியரசு, ஐக்கிய அரபு இராச்சியம் மற்றும் யேமன் குடியரசு).

இந்தப் பிராந்தியத்திலுள்ள 14 நாடுகளில், 11 வதிவிடத் தூதரகங்களையும் (மனாமா, தெஹ்ரான், பக்தாத், டெல் அவிவ், அம்மான், குவைத், பெய்ரூட், மஸ்கட், தோஹா, ரியாட் மற்றும் அபுதாபி), ரமல்லா நகரில் ஒரு பிரதிநிதி அலுவலகத்தையும் மற்றும் 2 உதவித் தூதரகங்களையும் (துபாய் மற்றும் ஜெட்டா) இலங்கை நிறுவியுள்ளது.

ஓமான் மற்றும் லெபனானிலுள்ள இலங்கைத் தூதரகங்கள் முறையே யேமன் மற்றும் சிரியா நாடுகளுக்கு சமகால அங்கீகாரத்தைக் கொண்டுள்ளன.

இஸ்ரேல் (ஜெருசலேம்), பலஸ்தீனம் (பெத்லகேம்), ஈராக் (குர்திஸ்தான்) மற்றும் சிரியா (டமஸ்கஸ்) ஆகிய நாடுகளில் 04 கௌரவ துணைத்தூதரக பிரதிநிதிகள் உள்ளனர்.

ஈரானிலுள்ள இலங்கைத் தூதரகமானது அஸர்பைஜான் மற்றும் துர்க்மெனிஸ்தானுக்கு சமகால அங்கீகாரம் பெற்றுள்ளது.

கொழும்பிலுள்ள 08 மத்திய கிழக்குத் தூதரகங்களையும் (ஈரான், ஈராக், குவைத், ஓமான், பலஸ்தீனம், கட்டார், சவுதி அரேபியா மற்றும் ஐக்கிய அரபு அமீரகம்) மற்றும் புதுடில்லியிலுள்ள 06 மத்திய கிழக்குத் தூதரகங்களையும் (லெபனான், ஜோர்தான், இஸ்ரேல், சிரியா, யெமன், பஹ்ரைன்) இந்தப் பிரிவு ஒருங்கிணைக்கின்றது.

மத்திய கிழக்குப் பிராந்தியத்தின் 03 கௌரவ துணைத்தூதரக பிரதிநிதிகள் (இஸ்ரேல், ஜோர்தான் மற்றும் யேமன்) கொழும்பில் உள்ளனர்.